Baat un dino ki hai, jab main 11th mein tha, aur apne relatives ke yahaan garmiyo ki, chuttiyo mein, jata tha. Main kareeb ek mahina wahaan rehta tha. Main apne aap mein khush rehta tha, mere cousins (ek bahan jo mujhse 2 saal aur ek bhai, jo ujhse 4 mahine chota hai) mujhe aaj bhi bahaut pyar karte hain, aur aaj bhi mera wahaan aana-jana rehta hai.

Mere cousin bhai ka ek dost, jo bagal ke hi makaan mein rehta tha, aur Kai baar main apne cousin ke saath, uske ghar bhi ja chuka tha. Uski ek bahan bhi thi, jiska naam reena tha, aur wo meri cousin bahan ke saath padhti thi.

Main shaam ko hamesha chhat per chala jata, aur garmiyo mein thande mausma ka anand leta tha. Main chhat mein, kareeb 1/2 ghante ghoomta rehta tha. Kai baar maine bagal ke makaan mein, us reena ko bhi, chhat per ghoomte dekha. Wo bhi chhat mein shaam ko, jab-tak main rehta, ghooma karti thi.

Ek din meri cousin bahan ne bade hi majakiya mood mein mujhse poochaa, ki aaj-kal main kis per line maar raha hoon? main dheere se muskuraya, aur bola kisi per nahi. Mera chehra wo, padh chukee thi, use vishwaas ho gaya tha, ki mere saath aisa kuch nahi hai.

Phir usne dheere se kaha, ki uski dost Reena ko main accha lagta hoon, aur usne aaj hi usse kaha, aur wo mere baare mein usse bahaut kuch pooch rahi thi. Mujhe sharam aa gayee. Lekin mujhper jaise koi faraq hi nahi pada.

Mujhe nahi maloom ki, kab main, Reena ko acchaa lagne laga? Main shaam ko chhat per jata, aur wo bhi ek gejah khadi hokar mujhe dekhte rehti. Phir ek din shaam ko halki-halki baarish ho rahi thi, main chhat per baarish ka anand le raha tha ki, Reena bhi chhat per aa gayee. Thodi der tak wo muje dekhti rahi, aur jaise hi thoda sa andhera hua, usne mujhe ishaare se bulaya.

Aaj chhat per koi nahi tha, maine idhar-udhar dekha, aur chup-chaap uske paas chala gaya. Usne mera haath pakda, aur ek koone mein, jahaan thoda sa andhera tha, aur koi dekh nahi sakta tha, le gayee.

Usne mere haath ko kaske pakda hua tha, hum dono ki dhadkane tej ho rahi thi. Wo mere aur kareeb aa gayee, aur dheere se boli, "I LIKE YOU". Isse pehle main kuch kehta, usne apne hoth, mere hotho per rakh diye, aur kuch der tak wo muje kiss karti rahi. Ab main bhi use kaske pakad chuka tha, aur hum dono ek doosre ko kiss karne lage. Hum dono, aage badhna chahte the, lekin samay aur gejah ke karan kuch nahi kar paaye.

Kuch samay baad uski shaadi mere hi shahr mein ho gaye. Meri cousin ne baad mein mujhe bataya, lekin maine uska address leke ki koi koshish nahi ki, kyunki main uska ghar nahi ujjarna chahta tha.