Diwali ke samay ki baat hai, main apne ghar jo doosre shahr mein hai, gaya hua tha. Hamare mohalle me pados mein ek vyakti hain, jo mujhse bade hain, aur hum sab unhe bhaiya kehte hain. Bhaiya shaadishuda hain. Aur unki ardhangani yaani humaari bhabhi bahaut hi acchee hain. Sabse mel-jol rekhna, sabka aadar karna, sabse pyar se baatein karna aur har kisi ko izzat dena unki personality mein chaar chand laga deta hai.

Ab main diwali per ghar gaya hua tha. To, mohalle mein sabhi se baatcheet ho jaati hai. Un logo ko bhi accha lagta hai kyunki main apne shahr kum hi jata hoon. Lekin har kisi se baat karna, unka kehna maanna, pyar se baat karna aur hasee majaak karna apni bhi aadat hai. Isliyea wo sab mujhe accha maante hain aur hamesha mujhse baat karne ke liyea aatur rehte hain.

Diwali se 2 din pehle ki baat hai, hamare mohalle mein pados mein ek choota ladka tha. Uski umar koi 10-11 saal ki rahi hogee. Wo ladka bahaut hi shararti, gaali dene mein master, aur kisi ki na sunne walo mein tha. Shaam ko wo apne patakhe jalakar sadak per feak raha tha. Aksar hamaer mohalle mein log aise hi karte hain. Aur hum logo ne bhi bachpan mein wahi kiya tha, to ab wo koi nai baat nahi hai.

Us din raat ke kareeb 8 baje hue the. Aur wo choota ladka patakho mein chuhyea jala kar chood raha tha. Main bhi apne ghar ke bahar khada use dekh raha tha ki padoss ki bhabhi bhi aa gayee, aur hum dono khade khade baatein karne lage ki, achanak us choote ladke ki choodi hi chuhyea bagal me khadi bhabhi ki saadi mein ghus gayee. Aur wo jor se chillayee. maine bhabhi ko pakda aur poocha kuch hua to nahi? bhabhi ne saadi uthai aur apna paav dikhaya. Unka paav jal gaya tha. Main unhe ghar ke andar le aaya. Bhabhi ander nahi aana chahti thi, lekin mere zid karne per wo ander aa gayee. Unhone apni saadi uthayee, phir maine unke jale hue paav per burnal lagaya. Jab unhe shaanti padi to unhone mera shukriya ada kiya aur chali gayee.

Aaj bhi jab bhabhi mujse milti hain, to main unhe hamesha isi baat per chedta hoon ki, bhabhi ki saadi mein chuhyea aur wo sharma jaati hain. Sach mein wo bhabhi dil ki bahaut hi acchee hain.